Dende a Concellería de Educación e enmarcado no programa educativo Educación e Saúde Ambiental, ofértase para os escolares da cidade de Ourense, de 3º e 4º curso de Educación Primaria, a actividadade Caderno de campo. Esta actividade farase na Aula da Natureza e no campo forestal que fica preto da mesma ás 11:00 horas do día 09 de abril. O obxectivo é a realización dun caderno de datos onde os nenos e nenas poidan plasmar con debuxos as distintas árbores que se lles mostrarán, coñecendo a súa función no medio e, sobre todo, os datos de interese da árbore ou planta que elixamos. A actividade estará cumprimentada con dúas montaxes audiovisuais da naturista Edith Holden, que dedicou a súa vida á observación da natureza e a representala en debuxos relizados por ela mesma, quen tiña como profesión ilustrar libros de contos. A continuación poráselles un esquema da ubicación do campo forestal, así como das especies elexidas. Participarán un total de 556 alumnos dos distintos colexios que a solicitaron.
