FESTA 10 ANOS DO PROXECTO RÍOS

Estamos a preparar un encontro moi especial para este mes. O 29 de xuño celebraremos, cunha festa, o décimo aniversario do Proxecto Ríos, onde haberá actividades culturais e ambientais para grandes e pequenos. Queremos agradecer así o compromiso do voluntariado durante estes dez anos cos nosos ríos.

Ide reservando esa data nos vosos calendarios xa que estades todos e todas convidados/as. Haberá música, baile, obradoiros, maxia, e moito máis! O lugar será na área recreativa de Tapia no Concello de Ames e ao carón do río Tambre.

En breve, na nosa páxina web, teredes o programa definitivo da xornada.