A Dirección Xeral de Xuventude e Voluntariado en colaboración coa Dirección Xeral de Conservación da Natureza poñen en marcha un ano máis o programa de voluntariado ambiental no Parque nacional das Illas Atlánticas.
Nesta ocasión o programa de voluntariado desenvolverase nas Illas de Sálvora e Cortegada co obxectivo principal de sensibilizar e infundir nos participantes criterios e coñecementos básicos sobre a concienciación medioambiental e a recuperación de ecosistemas no Parque Nacional.
As actividades a realizar polos participantes no programa están establecidas polos técnicos do propio Parque Nacional, e centraranse especialmente na limpeza de praias e na erradicación de plantas invasoras.
O programa desenvolverase nunha xornada en grupos de 8 voluntarios do seguinte xeito: os martes en Sálvora e os xoves en Cortegada.
O PROGRAMA INCLÚE:
1. Manutención.
2. Seguro de accidentes e de responsabilidade civil.
Os voluntarios/as deberán desprazarse por conta propia ata o punto de encontro desde onde serán recollidos en barco para o seu traslado ás illas.
CONDICIÓNS XERAIS
Poderán participar no programa voluntarios e voluntarias maiores de idade ou ter cumpridos os 16 anos con autorización paterna, materna ou do titor . As persoas voluntarias que desexen participar, deberán ter en conta que:
-A indumentaria que leven ten que ser axeitada ás actividades a realizar.
-Deben levar unha mochila.
Ao finalizar a súa participación neste programa de voluntariado ambiental, as persoas voluntarias obterán da Dirección Xeral de Xuventude e Voluntariado un certificado de acreditativo da acción voluntaria desenvolvida, que será inscrita como experiencia voluntaria no Rexistro de Acción Voluntaria de Galicia.
PARTICIPANTES E INSCRICIÓNS
Todos os voluntarios e voluntarias que estean dispostos a colaborar neste proxecto poden inscribirse cubrindo o seguinte formulario de inscrición:
Nota: Só se poderá cubrir o formulario unha vez, se queredes facer algún cambio de quenda teredes que indicalo enviando un mail a voluntariado@xunta.es. Se volvedes a cubrir o formulario perderedes o voso posto e pasaredes directamente ao final da lista.
http://www.voluntariadogalego.org/web/modulo.php?mod=ppr&idc=133#forsux
A Concellería de Educación tenta fomentar a participación cidadá nos aspectos relacionados co medio ambiente urbano, a través da sensibilización, formación e educación para achegar a poboación en xeral o coñecemento da realidade ambiental, no noso contorno, é un aspecto imprescindible, preténdese ir creando unha maior conciencia ecolóxica capaz de colaborar cos necesarios esforzos que permanentemente hai que realizar para lograr cada día un maior equilibrio medio ambiental.
No hay comentarios:
Publicar un comentario