A Aula da natureza do río Miño, a Facultade de Ciencias de Ourense e
a AAO convídante á conferencia "2015 Ano Internacional da Luz e as
tecnoloxías baseadas na luz" e logo a observación das estrelas
O 20 de decembro de 2013, a Organización das Nacións Unidas (ONU), na
súa 68ª Asemblea Anual proclamou 2015 como o Ano Internacional da Luz
e as Tecnoloxías baseadas na Luz.
O Ano Internacional da Luz pretende comunicar á sociedade a
importancia da luz, e as súas tecnoloxías asociadas, no mundo actual
en áreas tan importantes como a enerxía, a educación, a saúde, a
comunicación, etc.
A misión deste portal, constituído polo Comité Español para a
celebración do Ano Internacional da Luz e xestionado pola Sociedade
Española de Óptica é difundir todas as actividades e materiais que
vaian aparecendo para a conmemoración deste ano.
Obxectivos:
Mellorar o coñecemento da sociedade de como a luz e as súas
tecnoloxías relacionadas afectan á vida cotiá e son esenciais para o
futuro desenvolvemento da Humanidade.
Desenvolver a capacidade educativa mediante actividades orientadas á
difusión da cultura científica entre a mocidade en todo o mundo.
Aumentar a cooperación internacional.
Difundir os descubrimentos dos séculos XIX e XX que demostraron a
importancia fundamental da luz na ciencia e o desenvolvemento
científico.
Destacar a importancia da investigación e fomentar vocacións
científicas no ámbito da luz e as súas aplicacións.
Promover a importancia da tecnoloxía da iluminación no
desenvolvemento sostible e na mellora da calidade de vida nos países en
vías de desenvolvemento.
Dar a coñecer a profunda relación que existe entre a luz, a arte e a
cultura, así como fortalecer o papel das tecnoloxías ópticas na
preservación do patrimonio cultural.
Conseguir que os logros e obxectivos anteriores perduren no tempo máis
aló de 2015.
Relator: Prof. Dr. Humberto MichinelOptics Lab. Universidade de Vigo e
AAO
Organiza:Aula da natureza do río Miño, Facultade de Ciencias de
Ourense e AAO
Lugar: Aula da natureza do río Miño
Data: 17 de abril de 2015
hora: charla as 20:30 e 21:30 observación de estrelas
