SACRE

RUTA DO MIÑO (3º Ciclo de EP, ESO e Bacharelato

Data inicio: 22/04/2013     Data fin: 26/04/2013
Descrición
Ao longo de 10 kilómetros, desde a Chavasqueira ata Outaríz e desde Outaríz a Untes, faremos un percorrido pola súa historia vinculada á cidade de Ourense, polos seus aproveitamentos pasados e presentes e pola natureza que alberga o seu leito e marxes.
Durante o traxecto achegarèmonos a algunhas das maneiras en que o home ten empregado o río e o seu contorno no seu beneficio; sorprenderémonos coa fauna que cada vez con maior familiaridade convive coa xente, coñeceremos as árbores típicas do bosque de ribeira e outros aspectos do medio natural que nos rodea.

Obxectivos
Descubrir as posibilidades de aprendizaxe e lecer que nos ofrece o río Miño.
Afondar no coñecemento dos vínculos entre o río e a cidade de Ourense.
Valorar os recursos que o río ofrece aos Ourensáns.
Coñecer a orixe, características e aplicacións das augas termais.
Recoñecer as formas en que o río modela as rochas e a paisaxe.
Aprender as características do ecosistema fluvial e coñecer as principais especies que viven no río e as súas marxes.
Descubrir as principais ameazas que se cernen sobre o medio fluvial.
Concienciar da necesidade do esforzo de todos para manter os ríos vivos.
Destinatarios/as
Dependendo das rutas
Chavasqueira -Outaríz: 3º ciclo de Educación Primaria e 1º e 2º da E.S.O
Outaríz -Untes: 3º e 4º da E.S.O. e Bacharelato
Grupo de 25 persoas máximo.
Achegas da Concellería
 Persoal especializado

Observacións
O alumnado deberá levar roupa cómoda para o itinerario.
A duración será de 2.45 minutos aproximadamente.
O monitor esperará na zona da Ponte Romana do barrio da Ponte.

Coordinador:Luis Amigo estrada(9888988388136/ Fax: 988388159 / aulanatureza@ourense.es)

Programa sacre en Galicia

CURSOS PRIMAVERA 2013

¿Queres contribuír ao coñecemento das nosas aves máis comúns? Tómalle o pulso ao noso medio natural a través do seguimento das especies comúns.

O PROGRAMA SACRE EN GALICIA

Este mes de abril comeza un nova tempada do SACRE, programa de seguimento de aves comúns impulsado por SEO/Birdlife a nivel estatal e coordinado pola SGO a nivel galego. Este programa ten por obxectivo coñecer as tendencias poboacionais das nosas aves máis comúns. O traballo de campo consta unicamente de dúas mañas de mostraxe ao ano coas que poderemos contribuír á conservación das nosas rolas, escribentas, lavercas ou bueblas.

¿CÓMO PODO COLABORAR?

O programa SACRE está aberto a calquera afeccionado ou afeccionada á ornitoloxía cuns coñecementos mínimos para o recoñecemento das especies de aves comúns. Se queres colaborar podes consultar as instruccións do programa na seguinte ligazón, http://www.seo.org/wp-content/uploads/2012/04/instrucciones_-sacre_-2013_3.pdf
Tamén podes dirixirte ao enderezo sacre@sgosgo.org e resolver todas as túas dúbidas.

CURSOS SACRE 2013

Conicidindo co inicio dunha nova tempada do programa SACRE, nas vindeiras semanas a SGO celebrará dúas xornadas formativas en Ourense e Lugo abertas a todas as persas interesadas nas aves ainda que especialmente dirixidas aos colaboradores do programa SACRE.

"O programa SACRE: Iniciación ao recoñecemento das aves polo seu canto"

Este curso pretende axudar no recoñecemento das aves polos seus cantos e reclamos, proporcionando consellos, trucos e recomendacións para poder identificar no campo os diferentes grupos de aves mediante o oído. Ademáis, falaremos sobre os obxectivos deste programa e sobre os fundamentos da metodoloxía de traballo. Finalmente, faremos unha práctica de campo de recollida de datos e identificación de aves.

Provincia: Ourense
Data: 14 abril de 2013
Lugar: Aula de natureza do río Miño
Enderezo: Paseo fluvial de Oira s/n C.P. 32001
Localidade: Oira (Ourense)
Hora: 09:00 Sesión teórica
           10:00 Sesión practica

Provincia: Lugo
Data: 7 abril de 2013
Lugar: Centro de Conservación e Estudo da Natureza "Casa das Ínsuas"
Enderezo: R/ José Pardo y Pardo Montenegro, Rábade (Lugo)
Localidade: Rábade (Lugo)
Hora: 09:00 Sesión teórica
10:00 Sesión practica