DÍA DOS BOSQUES AUTÓCTONOS / Fin de seman

Descrición
No campo da interpretación ambiental, presentamos unhas rutas interpretativas na natureza , a pé ou de bicicleta, coa finalidade dun maior coñecemento do medio a través da súa fauna, flora, paisaxes,etc., procurando ao tempo o divertimento dos participantes.
A actividade que presentamos é a denominada “Ruta ciclointerpretativa do río Miño”.

A actividade proposta consiste nun itinerario guiado en bicicleta, utilizando os camiños que percorren as marxes do río Miño na cidade de Ourense. Ao longo do percorrido realizaranse varias paradas explicativas e interpretativas onde os participantes poderán utilizar prismáticos e telescopios que se proporcionarán para a observación da fauna, especialmente das aves.

Os puntos de partida e as opcións de percorrido poden ser varias:

Saída desde Aula da natureza do río Miño ata Outariz pola marxe esquerda do río, seguiríase despois polo camiño a Untes ata o primeiro observatorio de aves -polo menos- e regreso cara á pasarela de Oira pola marxe dereita do río.

A duración aproximada do percorrido sería de 3 a 4 horas, unha mañá; e a época de realización, calquera é válida, aínda que a maior variedade de avifauna se dá no outono e inverno (desde finais do verán a principios de primavera).

Obxectivos
Potenciar o uso da bicicleta como transporte alternativo e como medio de transporte nunha actividade de interpretación.
Fomentar o respecto pola natureza a través do seu coñecemento (neste caso, aspectos ligados ao río Miño como a súa flora, fauna, etc.)
Dedicar unha especial atención á rica variedade de aves presentes no contorno do río Miño e achegar o uso de instrumentos de observación como os prismáticos e os telescopios.

Marterial
Contamos cun parque de 16 bicicletas tipo treking dotadas con cestas, portavultos e alforxas. Tamén se lle proporcionará a cada participante un casco e uns prismáticos,e 2 telescopios para a observación de aves.
Lugar de realización: Aula da Natureza do río Miño. Paseo fluvial de Oira s/n
Destinatarios/as: A persoas de todas as idades
Grupos: Non superior a 15 persoas
Temporalización: 23 de novembro de 9:45 a 13:45h.
Coordinador: Luis Herminio Amigo Estrada ( 988510781/ aulanatureza@ourense.es )

SEMANA DA MEL(EP,ESO,Bacharelato)

SEMANA DA MEL(EP,ESO,Bacharelato)


Data inicio: 21/01/2013 Data fin: 31/01/2013

Descrición
Charlas levadas por un apicultor profesional, traballos e actividades en grupo, onde se explicará a importancia das abellas no mundo e as consecuencias da súa posible desaparición.
Apicultura Tradicional. Apis (abella) e Cultura (cultivo). A apicultura tradicional trata das relacións do home coas abellas e de como conseguiron obter os froitos do seu traballo: o mel e a cera.

Obxectivo
•Traballar e aprender o marabilloso mundo das abellas.
•Estudar na colmea a recoñecer ás abellas, como se reproducen e que actividades realizan, como se desenvolve unha comunidade onde se traballa sen descanso, cuxo único obxectivo é traballar en conxunto pola perpetuidade da especie.
•Coñecer os produtos cos que nos obsequian as abellas e tamén, por que non, poder obter o teu propio mel.
•Coñecer as propiedades do mel, tanto nutricionais como terapéuticas: facilita a dixestión, laxante suave, propiedades sedantes.

Contidos
Introdución á apicultura.
Transformación de produtos e subprodutos do mel
Obradoiro. Crear a propia vela
Destinatarios
Alumnado de Primaria, ESO e Bacharelato
Grupos de 25
Lugar de celebración Aula da Natureza do río Miño. Paseo fluvial de Oira s/n

Periodización 21 a 31 xaneiro do 2013
Horario de 10:00 a 13:00 h
Duración 100 min.
Cordinador: Luis Herminio Amigo Estrada( 988510781 / 988388136/ aulanatureza@ourense.es

Imparte a charla

ABELLA LUPA RECIBE O 1º PREMIO POLA SÚA “CONTRIBUCIÓN SIGNIFICATIVA Á PROTECCIÓN DA BIODIVERSIDADE” POLA RED EMPRENDEVERDE


Abella Lupa SAT vén de acadar o 1º premio do concurso da Red emprendeverde, convocado pola Fundación Biodiversidad (Ministerio de Agricultura, Alimentación y Medio Ambiente), dentro da mención especial: “contribución significativa á protección da biodiversidade.” Deste xeito o Ministerio recoñece a súa contribución ao desenvolvemento da economía sostíbel.

Abella Lupa foi seleccionada de entre un total de 190 candidaturas a nivel estatal que optaban a 4 categorías de premios económicos. O acto de entrega de galardóns celebrado o pasado 31 de outubro na sede do MAGRAMA en Madrid, foi presidido polo ministro de Agricultura, Alimentación e Medio Ambiente, Miguel Arias Cañete.

Abella Lupa é unha Sociedade Agraria de Transformación que nace cun dobre propósito: ser un proxecto destinado á produción ecolóxica de mel e á recuperación e divulgación do patrimonio cultural asociado á apicultura en Galicia. Asemade, incorpora ao mundo da apicultura un enfoque multidisciplinar, grazas á súa experiencia e formación profesionais en ámbitos como a bioloxía, a xestión forestal, a ecoloxía e a educación ambiental.

A Red emprendeverde, é unha rede especializada e integradora, cunha estrutura aberta á incorporación de emprendedor@s, inversor@s e interesad@s no emprendemento. Conta con máis de 3000 emprendedor@s e 45 inversor@s. É unha Rede para axudar a tod@s aqueles que queiran aproveitar as oportunidades económicas vinculadas á protección do medio ambiente.

Máis información:
http://www.redemprendeverde.es/pg/pages/view/24995/abella-lupa
http://www.redemprendeverde.es/pg/pages/view/25002/premiados-2012
http://www.efeverde.com/contenidos/noticias/unos-negocios-verdes-de-premio
http://www.magrama.gob.es/en/prensa/noticias/miguel-arias-ca%C3%B1ete-%E2%80%9Cespa%C3%B1a-no-va-a-dejar-escapar-el-tren-de-la-econom%C3%ADa-verde%E2%80%9D-/tcm7-230271-16
https://www.facebook.com/media/set/?set=a.461734630544879.122816.268173466567664&type=1