miércoles, 11 de marzo de 2020

OBRADOIRO DE MORCEGOS


OBRADOIRO DE MORCEGOS  17/03/2020



A cidade de Ourense resulta unha das urbes de maior importancia cultural de Europa.
 Destaca principalmente o seu casco antigo, cheo de historia, representada 
amplamente con numerosas construcións. Este mundo de pedra, aparece sempre 
acompañado de zonas 
verdes, de diversa estrutura e tamaño, que xeran unha harmonía paisaxística. Así mesmo, 
o feito de situarse nas ribeiras do río Miño, e a abundancia de puntos de auga
 asociados ao termalismo, apórtalle un valor ambiental a este medio cultural.

Esta paisaxe tan complexa favorece a existencia de diversas comunidades de fauna urbana, 
onde as aves pola súa conspicuidade resultan os animais máis aparentes.

Os morcegos son outro grupo importante dentro dos animais urbanos, que alberga na 
contorna da cidade unha boa comunidade. A pesar diso, son un dos grupos peor coñecidos, 
tanto pola súa discreción como pola lenda negra á que están asociados.

Na orixe moitas especies de morcegos presentaban unha distribución limitada pola 
dispoñibilidade de refuxios apropiados, tales como fendas e gretas en cantís, 
rochedos ou en grandes covas. Posteriormente, aprenderon a aproveitarse dos
 asentamentos humanos para ubicar os seus refuxios nas cavidades que 
existían nas construcións feitas polo home.

A progresiva transformación do medio natural, fixo que moitas especies 
dependan case exclusivamente da presenza de construcións para ocupar un determinado
 lugar, estas especies coñécense como antropófilas.

Estas especies resultan especialmente sensibles ás actividades humanas, tanto polas 
molestias que lle pode ocasionar a eles mesmos, como os posibles inconvintes que lle 
provoque a súas presencio ás persoas.

O coñecemento deste grupo, e especialmente das especies antropófilas, pode axudar 
a entender máis sobre estes veciños que conviven con nós e así desmitificar 
falsas crenzas, axudando á súa conservación.

Este coñecemento pode darlle ao contexto histórico un valor engadido 
ao cultural, a biodiversidade.

Obxectivos:
Coñecer que son os morcegos, como viven, como se alimentan, as súas lendase 
crenzas, etc.
Dar a coñecer a biodiversidade asociada á cidade.
Realizarase un obradoiro de construción de caixas morcegueiras, facendo 
referencia a importancia destas actuacións na conservación dos morcegos. 

 Autobus aportalo a Concellaría de Educación aos centros educativos.
Destinatarios/as:  a actividade adaptarase aos distintos niveis educativos
Grupos: 3 grupos non superior a 25 persoas
Duración: 90 min.
Lugar: Aula da Natureza do río Miño. Paseo fluvial de Oira s/n
Periodización:17 de marzo 2019
Horario:  Pola maña de 10:00 a 11:30 e 11:30 a 13:00  para centros educativose 
pola tarde de 16:00 a 17:30 para
 nenos e familias
Duración: 90 minutos
Coordinador: Luis Herminio Amigo Estrada
Tlfno: 988510781 
Correo electrónico:aulanatureza@ourense.es


https://www.instagram.com/aula_da_natureza_do_rio_mino/

Curso de poda i enxerta da Universidade Popular no 25 aniversario

Curso de poda i enxerta da Universidade Popular no 25 aniversario na Aula da natureza do río Miño
do @OurenseConcello 3 de febrero ao 18 de marzo de 17.00 a 20:00 por @RosendoLuis1
de @trasdezanatur










lunes, 9 de marzo de 2020

Curso de poda i enxerta na Aula da natureza do rio Miño

Curso de poda i enxerta  da Universidade Popular no 25 aniversario na Aula da natureza do río Miño
 do @OurenseConcello 3 de febrero ao 18 de marzo  de 17.00 a 20:00 por @RosendoLuis1
 de  @trasdezanatur