jueves, 29 de marzo de 2012

ACTIVIDADES DE SEMANA SANTA

Actividades das vacacións de Semana Santa 2012 na Aula da Natureza do río Miño 

Actividades das vacacións de Semana Santa 2012 na Aula da Natureza do río Miño
 É importante concienciar os nenos da importancia da conservación do medio ambiente e da directa implicación deste na nosa vida e saúde como parte integrante que somos del. Coñecer, gozar e defender o noso ambiente máis próximo son as liñas xerais que traballamos a través das distintas actividades que se levan a cabo no da Semana Santa na Aula da Natureza, situada no paseo fluvial de Oira.
Estas actividades van dende a flora e fauna propia da nosa provincia ata actividades de reciclaxe, da orientación, do cambio climático, da xardinería... e moitas actividades máis que se mencionan no programa de actividades que detallamos máis adiante.




OS OBXECTIVOS que se pretenden son os seguintes:
1-Coñecer, gozar e defender o noso contorno natural: flora, fauna e aspectos de xardinería, estendendo as posibilidades de uso ás actividades cotiáns.
2-Aprender a utilizar e dar unha segunda vida a materiais que son reutilizables.
3-Concienciar da necesidade de realizar reciclaxe.
4-Gozar do contorno e comprender a oferta lúdica que representa, ademais de fomentar o respecto mutuo e a convivencia no desenvolvemento das actividades.
5-Posibilitar un comportamento cotián acorde coa postura de defensa e recuperación do equilibrio ecolóxico.
6-Fomentar diversos xogos populares.
7-Coñecer a importancia da auga para a vida, a saúde e o desenvolvemento.
8-Concienciar do cambio climático.
9-Conciliar a vida familiar e a vida laboral.
10-Fomentar actitudes de compañeirismo entre os nenos e nenas que acoden á aula.

 OBSERVACIÓNS Todas as actividades poderán ser modificadas por causa externas e alleas á organización.

Lugar: Aula da Natureza do río Miño. Paseo fluvial de Oira s/n.
Dirixido: Nenos/as de 6 a 13 anos.
Grupos: No superior a 20 nenos/as.
Periodización: 2, 3, 4 de abril
luns 2 de 10:00 a 13:00 xardineria y creación dun espantapaxaros
 luns 2 de 16:15 a 19:00 xogos e cesteria
martes 3 de 10:00 a 13:00 coñece a Aula, paseo pola Aula, xogos e manualidades relacionados coa actividades coñece a Aula
martes 3 de 16:00 a 19:00 xogos e manualidades
mercores 4 de 10:00 a 13:00 horta e paseo medioambiental ata o río Loña
mercores 4 de 16:00 a 19:00 manualidades e horta.


Horario: de 10:00 a 13:00 e de 16:00 a 19:00 de luns a mércores.
Contacto: Luis Herminio Amigo Estrada, Coordinador da Aula da Natureza do río Miño.
Teléfono: 988510781 / 988388136. Correo electrónico: aulanatureza@ourense.es
Nota: Permitirase ós medios de comunicación o acceso ás actividades organizadas por esta Concellería para a súa posterior difusión (prensa, programación das actividades, calendarios, carteis, dípticos,etc...)

jueves, 8 de marzo de 2012

PASEOS POLA RIVEIRA DO MIÑO

PASEOS POLA RIVEIRA DO MIÑO / Fin de semana/Celebración do día da árbore(21) e día da auga(22)

No campo da interpretación ambiental, presentamos unhas rutas interpretativas na natureza , a pé ou de bicicleta, coa finalidade dun maior coñecemento do medio a través da súa fauna, flora, paisaxes,etc., procurando ao tempo o divertimento dos participantes. A actividade que presentamos é a denominada “Ruta ciclointerpretativa do río Miño”.



OBXETIVOS DA ACTIVIDADE •Potenciar o uso da bicicleta como transporte alternativo e como medio de transporte nunha actividade de interpretación. •Fomentar o respecto pola natureza a través do seu coñecemento (neste caso, aspectos ligados ao río Miño como a súa flora, fauna, etc.) •Dedicar unha especial atención á rica variedade de aves presentes no contorno do río Miño e achegar o uso de instrumentos de observación como os prismáticos e os telescopios.


DESCRICIÓN DA ACTIVIDADE A actividade proposta consiste nun itinerario guiado en bicicleta utilizando os camiños que percorren as marxes do río Miño na cidade de Ourense. Ao longo do percorrido realizaranse varias paradas explicativas e interpretativas onde os participantes poderán utilizar prismáticos e telescopios que se proporcionarán para a observación da fauna, especialmente das aves.
O punto de partida : •Saída desde a Aula de Natureza da natureza do río Miño
A duración aproximada do percorrido sería de 3 a 4 horas, unha mañá ou unha tarde; e a época de realización, calquera é válida, aínda que a maior variedade de avifauna se dá no outono e inverno (desde finais do verán a principios de primavera).

PARTICIPANTES A actividade vai dirixida tanto a escolares a partir de 13 anos (educación secundaria e bacharelato), como a adultos. Cun máximo de 16 participantes por grupo.

MATERIAL Contamos cun parque de 16 bicicletas tipo treking dotadas con cestas, portavultos e alforxas. Tamén se lle proporcionará a cada participante un casco e mais uns prismáticos. Para todo o grupo contamos tamén con 2 telescopios para a observación de aves.

Lugar: Aula da Natureza do río Miño. Paseo fluvial de Oira s/n
Dirixido: A persoas de todas as idades
Grupos: non superior a 15 persoas
Periodización: 17 de marzo do 2012
Horario: de 10:00 a 13:00
 Duración: 240 min. Achegas da Concellería de Educación:
Contacto: Luis Herminio Amigo Estrada, Coordinador da Aula da Natureza do río Miño
Teléfono: 988510781 / 988388136 Correo electrónico: aulanatureza@ourense.es

COÑECE A AULA DA NATUREZA DO RIO MIÑO / Centros Educativos..

             COÑECE A AULA DA NATUREZA DO RIO MIÑO / Centros Educativos


PRESENTACIÓN DA AULA
 Esta é a Aula da Natureza do río Miño no seu curso medio ao seu paso pola cidade de Ourense O río Miño é o río máis grande de Galicia, é moi caudaloso e baña unha grande superficie do territorio galego. (Sáibase que nace na serra de Meira, no Pedregal de Irimia. O tramo de percorrido pola Terra Chá ata Lugo foi declarado pola UNESCO Reserva da Biosfera, en Ourense acomodase a unha depresión).
 É importante concienciar á xente da importancia da conservación do medio e da directa implicación deste na nosa vida e saúde como parte integrante que somos del. O concepto básico empregado na procura deste obxectivo é o Desenvolvemento Sostible, presente en todas as actividades. Coñecer, gozar e defender o noso ambiente máis próximo son as liñas xerais que traballamos a través das distintas actividades realizadas.


A Aula da Natureza, situada no paseo fluvial de Oira, ofrece visitas guiadas onde, mediante paneis e diverso material informativo como maquetas e expositores, a xente que veña por aquí familiarízase co río Miño e co bosque de ribeira: aspectos naturais, patrimoniais, culturais e históricos relacionados co río ao seu paso pola nosa cidade.
A estas actividades poden asistir persoas de todas as idades tendo en conta que as explicacións se adaptarán aos diferentes niveis educativos dos participantes. Nas actividades cos escolares, o alumnas/o dividido en grupos realiza xogos (dentro e fóra) e itinerarios ambientais, dependendo das necesidades e/ou desexos dos participantes, así como das condicións meteorolóxicas.




Obxectivos:

 1-Coñecer, gozar e defender o noso contorno natural: flora, fauna e aspectos culturais e históricos relacionados co medio, estendendo as posibilidades de uso ás actividades cotiás.
2-Gozar do contorno e comprender a oferta lúdica que representa, ademais de fomentar o respecto mutuo e a convivencia no desenvolvemento das actividades.
3-Posibilitar un comportamento cotián acorde coa postura de defensa e recuperación do equilibrio ecolóxico e da conservación do patrimonio natural e cultural.
4-Coñecer a importancia da auga para a vida, a saúde e o desenvolvemento.
5-Tomar conciencia do valor do noso e a importancia da súa conservación a favor do desenvolvemento sostible.
6-Descubrir a influencia do medio na saúde, entendida no seu concepto máis moderno e amplo como ”Estado de benestar físico, psíquico e social” segundo a OMS.

 Lugar: Aula da Natureza do río Miño. Paseo fluvial de Oira s/n
Dirixido: Centros educativos
 Grupos: 10 grupos, non superior a 25 persoas
Temporalización: Mes de marzo do 2012. A visita poderiase facer en outra epoca do ano, se aula non se apota ocupada
Horario: de 10:00 a 13:00
Duración: 100 MINUTOS
Achegas da Concelleria de Educacion: Transporte a centros educativos do Concello de Ourense.
Contacto: Luis Herminio Amigo Estrada, Coordinador da Aula da Natureza do río Miño
Telefono: 988510781
Correo electronico: aulanatureza@ourense.es

V ENCONTRO DA REDE GALEGA DE SEMENTES

V encontro da Rede Galega de Sementes Posted: Thu, 08 Mar 2012 13:55:00 +0000 Sábado 17 de marzo a partires das 11.00h V ENCONTRO DA REDE GALEGA DE SEMENTES Praza 8 de Marzo, A Porta do Camiño - Compostela ■Troco de sementes ■Obradoiro de sementeira con compost ■Fornada popular: obradoiro de cocción en forno de leña ■Actividades para nenas ■Postos informativos de colectivos ■Xantar popular ■Concerto música folk ■Charlas ■Vídeo-proxección: "O mundo según Monsanto" ■Mercadiño de produtores http://redegalegadesementes.wordpress.com

Curso horticultura. Amigos da Terra.

Curso horticultura. Amigos da Terra. 29 Feb 2012


Da man de Belén Fervenza e Jacobo Ojea, labregos/as ecolóxicos de Redondela e habituais colaboradores de Amigos da Terra, coñeceremos nocións básicas para iniciarse na creación dun horto ecolóxico para autoconsumo. Planificación, rotacións, asociacións, sistemas de rega, creación de bancales, etc; serán algúns dos contidos a tratar neste curso, onde ademais dos contido teóricos, faremos prácticas sobre o terreo.

Programacion do curso.
Datas: 17 -18 marzo
Horario: Sábado de 10:00 h a 14:30 h e de 16:00 h a 20:30 h. Domingo de 10:00 h a 14:30 h e de 16:00 h a 18:30 h.
Prezo completo: 110 euros. 100 € para socios/as. inclúe formación, aloxamento e manutención (procedente da agricultura ecolóxica local e comercio xusto, na medida do posible)
Prezo reducido: 70 euros. inclúe formación e aloxamento (manutención por conta dos/as participantes)
Destinatarios/as: público xeral, especialmente dirixido para aquelas persoas que queiran iniciarse no cultivo ecolóxico ou mudar dun sistema convencional. Certificado de asistencia para aquelas persoas que o soliciten



Inscrición:
Envia a ficha cuberta por correo electrónico, postal ou fax;
antes do 12 de marzo a:
info@ascorcerizas.com
Fax: 988 511 020
R/Concordia nº20, 2º esquerda. 32003 Ourense

miércoles, 7 de marzo de 2012

ROTEIRRÍOS 2012. RASTROS E PEGADAS

CONVOCATORIAS: ACTIVIDADES: CURSOS, SEMINARIOS, CAMPAÑAS, CONGRESOS : GALICIA ROTEIRRÍOS 2012. RASTROS E PEGADAS http://www.proxectorios.org/index.php?option=com_content&task=view&id=263&Itemid=29 Contido: Este ano o programa Roteirríos está dedicado a coñecer e axudar á conservación da biodiversidade. Nos ecosistemas fluviais habitan numerosos organismos que rara vez podemos observar. Pero existen métodos para recoñecelos. Indicios como pelos, pegadas ou defecacións poden facilitarnos moita información sobre a súa bioloxía e distribución no caso de saber interpretalos. Para aprender a recoñecer estes sinais que deixan os vertebrados, o próximo sábado día 17 de marzo se realizará unha saída formativa pola contorna da Eira da Xoana (Ramil - Alto Ulla). Lugar: Ramil - Alto Ulla. Organizador: Adega e Proxecto Ríos. Data de inscrición: Información: ramses@adega.info Teléfonos: 981 57 00 99 / 616 23 80 50. Data de inicio: 17/03/2012 Data de fin: 17/03/2012 OUTRAS COMUNIDADES

martes, 6 de marzo de 2012