viernes, 1 de junio de 2012

No Día do Medio Ambiente 2012 SAE Á RÚA POLA DEFENSA DOS NOSOS RÍOS E MONTES Martes, 5 de xuño, ás 19:30 Praza Maior de Ourense
A Plataforma Rios Limpos, convócavos para saír á rúa en Ourense e facer con que esta data non pase desapercibida. A situación de maltrato continuado á que se están sometendo aos nosos ecosistemas, con vertidos continuados á maioría dos ríos da provincia e a queima constante dos nosos montes, todo elo agravado polo silencio sen vergoña dos responsables políticos a todos os niveis: concellos, Deputación, Xunta, Estado; obríganos á cidadanía a actuar. A plataforma convídavos a participar nun acto reivindicativo e lúdico, no que faremos unhas pequenas representacións para visualizar problemáticas dos nosos ecosistemas; dende os vertidos permanentes aos ríos ourensás, pasando polos lumes continuos e constantes ata unha colmea de indignadas abellas que teñen que loitar contra o envelenamento que facilitan as administracións. Ademais tamén teremos musiquiña, tanto percusión como cantareiras, para amenizar a xornada.
As/Os que queirades participar con disfraces ou con algunha das actividades dos diferentes grupos, convocámosvos ás 18:30 na Praza Maior para poder coordinarnos entre todas e todos, levaremos cintas de carroceiro para tunear abellas, algunhas antenas de sobra e, se da tempo, algunhas ás.

No hay comentarios:

Publicar un comentario