PASEOS POLA RIVEIRA DO MIÑO EN BICICLETA (Fin de Seman) Data inicio: 14/03/2015 Data fin: 14/03/2015 O 14 de marzo é o Día Mundial de Acción en defensa dos Ríos e en Contra das Represas. Cada ano, miles de persoas por todo o mundo levantan as súas voces para celebrar os ríos do mundo e a aqueles que loitan por protexelos. O Día Mundial de Acción en defensa dos Ríos é unha ocasión para celebrar vitorias tales como a eliminación de presas e a restauración dos ríos. É un día para saír ás rúas, facer manifestacións e esixir melloras nas políticas e as prácticas das autoridades que toman as decisións en torno a este tema. É un día para aprender os uns dos outros acerca das ameazas que enfrontan os nosos ríos, e para aprender mellores solucións para enfrontar os problemas de enerxía e auga. Sobre todo, o 14 de marzo é un día para xuntar esforzos, para que, xuntos, fagamos público que estas cuestións non nos afectan soamente a nivel local, senón que tamén teñen un alcance mundial. Descrición No campo da interpretación ambiental, presentamos unhas rutas interpretativas na natureza , a pé ou de bicicleta, coa finalidade dun maior coñecemento do medio a través da súa fauna, flora, paisaxes,etc., procurando ao tempo o divertimento dos participantes. A actividade que presentamos é a denominada “Ruta ciclointerpretativa do río Miño”. A actividade proposta consiste nun itinerario guiado en bicicleta, utilizando os camiños que percorren as marxes do río Miño na cidade de Ourense. Ao longo do percorrido realizaranse varias paradas explicativas e interpretativas onde os participantes poderán utilizar prismáticos e telescopios que se proporcionarán para a observación da fauna, especialmente das aves. Os puntos de partida e as opcións de percorrido poden ser varias: Saída desde Aula da natureza do río Miño ata Outariz pola marxe esquerda do río, seguiríase despois polo camiño a Untes ata o primeiro observatorio de aves -polo menos- e regreso cara á pasarela de Oira pola marxe dereita do río. A duración aproximada do percorrido sería de 3 a 4 horas, unha mañá; e a época de realización, calquera é válida, aínda que a maior variedade de avifauna se dá no outono e inverno (desde finais do verán a principios de primavera). Obxectivos Potenciar o uso da bicicleta como transporte alternativo e como medio de transporte nunha actividade de interpretación. Fomentar o respecto pola natureza a través do seu coñecemento (neste caso, aspectos ligados ao río Miño como a súa flora, fauna, etc.) Dedicar unha especial atención á rica variedade de aves presentes no contorno do río Miño e achegar o uso de instrumentos de observación como os prismáticos e os telescopios. Marterial Contamos cun parque de 16 bicicletas tipo treking dotadas con cestas, portavultos e alforxas. Tamén se lle proporcionará a cada participante un casco e uns prismáticos,e 2 telescopios para a observación de aves. Lugar de realización: Aula da Natureza do río Miño. Paseo fluvial de Oira s/n Destinatarios/as: A persoas de todas as idades Grupos: Non superior a 15 persoas Temporalización: 14 de marzo de 9:45 a 13:00h. Coordinador: Luis Herminio Amigo Estrada ( 988510781/ aulanatureza@ourense.es )
colabora Bilurico
No hay comentarios:
Publicar un comentario